Летниот одмор заврши и сите се вративте во нормала, меѓутоа никако да се вратите на вежбањето? Ја имате целата потребна опрема која ви е потребна, а подготвена е и плејлиста за тренинг, меѓутоа се уште не сте започнале. За да ве мотивираме да се вратите во редовната фитнес рутина, ви подготвивме листа од најпопуларните YouTube тренинзи кои можете да ги правите и во домашни услови и во теретана, и кои ќе ви помогнат полека и сигурно да се вратите во форма.
Од јога до тренинг за целото тело или хип-хоп кардио тренинг, на нашата листа ќе пронајдете се што ви е потребно за да се вратите повторно во форма. Во прашање се видеа кои ги подготвија едни од најпопуларните инфлуенсери на светот и кои бројат неколку милиони прегледи, а тоа говори доволно за нивната ефикасност. 3,2,1 – време е за тренинг!
Вежбајте јога со Adriene – тренинг од 20 минути за почетници
Јогата на Adriene Mishler е совршен избор за сите почетници во вежбањето, меѓутоа и за сите вас кои немате тренирано подолг временски период. Доказ за тоа е ова 20 минутно видео кое брои речиси 30 милиони прегледи и ја ‘’покрива’’ јогата на сите нивоа. Со сигурност ќе уживате во него!
Хип-Хоп Табата или како за 30 минути да согорите калории
Без разлика дали веќе сте вежбале со Youtube или сте почетник кога станува збор за тренинзи од овој облик, со сигурност нема да сакате да го пропуштите хип-хоп тренингот на Keaira LaShae. Со ова видео досега имаат тренирано 19.6 милиони луѓе, па затоа и нема простор за сомнеж дека претставува еден од најдобрите начини да ги согорите калориите.
Billie Elish „Bad Guy“ тренинг за цело тело со MadFit
Фитнес јутјуберката Maddie Lymburner целосно и заслужено го привлече вниманието со многу забавна кореографија која ги прати тактовите од песната на Billie Elish, Bad Guy. Со 10.4 милиони прегледи, станува збор за едно од најгледаните фитнес видеа за кое ви е потребно многу малку енергија, додека позитивната енергија ќе ја почувствувате уште со првите тактови на песната.
Утрински јога тренинг за цело тело и флексибилност во текот на целиот ден
Дали знаете дека е доволно да одвоите само 10 минути секое утро за да се чувствувате добро во текот на целиот ден? Доказ за тоа е и овој утрински јога тренинг (веќе ви дадовме препорака за утрински тренинг за целото тело) кој ќе ја отстрани напнатоста во мускулите, ќе ве опушти и ќе направи да се чувстувате одлично во текот на целиот ден.
Tone It Up за совршено обликувано тело
Земете пешкир и флаша со вода во своја близина, бидејќи овој тренинг кој го одржуваат Karena Dawn и Katrina Scott, професионални тренери и основачи на концептот Tone It Up, претставува вистински ‘’убиец’’ за масните наслаги на телото. Затоа и воопшто не е чудно што нивното видео има 3.4 милиони прегледи на YouTube и има армија од верни следбеници на нивниот концепт.
Доколку трагате за тренинзи за индивидуална група на мускули, никако не ја пропуштајте шансата да го погледнете YouTube каналот на Pamele Reif, додека многу корисни вежби можете да најдете и на нашата IGTV секција.
Тимот на Sport Vision
.svg)
