Пребарај ја страната

за сите нарачки чија вредност е поголема од 2990 ден.

- на сите нарачки во готово или со електронска платежна картичка

- во готово или со електронска платежна картичка.

Тренинг
21.10.2021.

ТРЧАЊЕ ИЛИ ПРЕСКОКНУВАЊЕ НА ЈАЖЕ, ШТО ПОБРЗО НЀ ВОДИ ДО ПОСАКУВАНИТЕ РЕЗУЛТАТИ?

Секој вид на физичка активност го доведува нашето тело и дух во совршен баланс. Редовното вежбање допринесува до смалување на масните наслаги, до губење на вишокот килограми, го регулира крвниот притисок и нивото на шеќерот во крвта и го зајакнува нашиот имунитет. Тренинзите влијаат на смалување на стресот и го потикнуваат лачењето на хормоните на среќа, ендорфинот и серотонинот. Постојат многу бенефити, меѓутоа потребна е и дисциплина, волја, време, доследност и континуитет...

Патиките за тренинг се подготвени, но како да одбереме ефикасен кардио тренинг кој не бара премногу паричен влог ниту одзема премногу време? Одговорот следува подолу во текстот.

ВЕЖБАЈТЕ БИЛО КАДЕ И СО МИНИМАЛНИ ФИНАНСИСКИ ВЛОЖУВАЊА

Поради динамичниот начин на живот и дефицит на слободното време, секогаш бараме наједноставни и најповолни решенија. Две варијанти кои логично се наметнуваат се трчањето и прескокнувањето на јаже. Вложувањата се минимални, а резултатот кој е видлив после само месец дена е непроценлив.

Доколку вашиот избор е трчање, потребен ви е еден пар добри патики, додека за прескокнување ќе ви биде потребен еден мал реквизит, а тоа е јажето. Одлично е тоа што и за двата типови на тренинг, местото и тајмингот го бирате сами.

И трчањето и прескокнувањето на јаже спаѓаат во кардио тренинзи, но се поставува прашањето кој од овие два вида на тренинг е поефикасен од аспект на губење на вишокот килограми и согорување на вишокот масти? Одговорот може да ве изненади!

ТРЧАЊЕ ИЛИ ПРЕСКОКНУВАЊЕ НА ЈАЖЕ – ШТО Е ПОДОБРО?

Експертите се едногласни кога станува збор за трчањето со умерен интензитет. Таквиот начин на движење на телото го зајакнува срцето, целиот кардиоваскуларен систем и белите дробови, и допринесува до интензитетот на нашата енергија во текот на денот. Доколку сакате да ја преобликуватe вашата фигура и да ослабнете, вклучете минимум еднаш неделно HIIT тренинг (тренинг си висок интензитет) кој ќе ви помогне полесно да ја оформите вашата мускулна маса. Зошто? Затоа што тренинзите се клучни за изградбата, зајакнувањето и обликувањето на мускулите, додека пак мускулите учествуваат во согорување на калориите.

Ако ви е важно да ослабнете, внесувањето на бројот на калории во вашиот организам мора да биде помал во однос на број на калориите кои ги трошите во текот на тренингот (калориски дефицит). Потребно е да согорите околу 3500 калории за да можете да изгубите 500 грама од мастите во вашето тело. Тоа значи дека, доколку сакате да изгубите 1 килограм неделно, што се смета за здрав начин на слабеење, потребно е да елиминирате 500 калории дневно од конзумираната храна, покрај оние кои ќе ги согорите во текот на вежбањето.

Истото важи и за другиот тип на кардио тренинг, а тоа е прескокнување на јаже. За разлика од трчањето, вежбите со јаже спаѓаат во категорија на тренинзи со висок интензитет – HIIT, бидејќи вежбите се изведуваат под полн интензитет во кратки временски интервали, што ги чини поефикасни во согорувањето на мастите.

HIIT - тренинг подразбира повеќекратна репетиција на исти движења кои како фокус таргет имаат една група на мускули. Вежбите се изведуваат во интервали од 30 и 60 секунди, после што се преоѓа на следната вежба, со тоа што паузата помеѓу нив е многу мала (до 10 секунди). На тој начин телото закрепнува во потполност, а пулсот се враќа во состојба на мирување. Поради брзото темпо и силниот интензитет, мастите побрзо се топат а мускулната маса се зголемува.

Да сумираме, трчањето подразбира вежбање со постојана зголеменост на срцевите отчукувања во подолг временски интервал, додека прескокнувањето на јаже бара побрзо темпо, што овозможува калориите да бидат согорени во пократок временски период.

И ТРЧАЊЕТО И ПРЕСКОКНУВАЊЕТО НА ЈАЖЕ СЕ БЕЗБЕДНИ И ЕФИКАСНИ ВЕЖБИ

Трчањето е достапно за сите, допринесува до оформување на мускулите на вашето тело и убрзување на метаболизмот. Но, доколку сте почетник, потребно е постепено да влезете во форма. Тоа ќе го постигнете најпрво со поспоро темпо на трчање на кратки релации, а подоцна постепено ќе го забрзувате темпото и ќе ја зголемувате километражата.

Постепено стекнување на кондиција е сигурна превентива од повреда на лигаментите и зглобовите, додека истовремено срцето и мускулите ги навикнувате на нови потреби. Најдобрата можна варијанта во вид на препорака е да трчате еден час во поспоро темпо, три до четири пати неделно. Доколку ви е потребна дополнителна мотивација, менувајте ги патеките, со цел вашето трчање да не стане монотоно.

И трчањето и прескокнувањето на јаже можат да бидат дел од кондиционен тренинг и загревањето. Прескокнувањето на јаже допинесува до координацијата на движењето, одржувањето на рамнотежата, зајакнување на стопалата... Ги активира мускулните листови, ги зајакнува лигаментите и глутеусот. За овој тип на вежба потребен е само еден мал реквизит кој не завзема премногу простор, нуди многу можности и разноликост во вежбањето – двојно прескокнување со прескокнување нанапред и наназад, трчање во место, прескокнување на една нога итн.

Поставете си нови цели. Предизвикот е уште поголем доколку вежбате во пар! Јажето е прекрасен реквизит кој лесно ќе го спакувате во спортска торба и ви отвора можност да го користите било кога и било каде. Секој ден, без изговори!

TРЕНИНГ И ЗДРАВИ НАВИКИ КАКО НАЧИН НА ЖИВОТОТ

Лошата физичка активност не постои доколку правилно и безбедно се изведува. Експериментирајте. Менувајте ги вежбите. Важно е само да ја изберете онаа која ви одговара на вашите потреби и афинитети и да останете доследни на своите одлуки. Фокусирајте се на здрав начин на животот, затоа што сигурно ќе се чувствувате подобро и посреќно.

Создавање на здрава навика подразбира секојдневна рутина на вежбање. Тренингот може да биде забавен ако вклучите малку креативност. Впуштете се во кругот на создавање на здрави животни навики и ќе видите дека не е толку тешко колку вам ви се чини. Направете го вашиот тренинг динамичен и забавен. Нека биде краток, но ефикасен. Нема откажување! Здравјето е наш императив!

Динамичноста и разновидноста во тренинзите можете да ја зголемите со опремата за тренинг или трчање која е достапна во нашите продавници, но можете да ја нарачате и online. Во неа можете да вежбате било кога и било каде.

Тимот на Sport Vision

Trenutno nema komentara

Слични статии

11.
Nov.
2022.
Тренинг
Памукот, како природен материјал, најмногу одговара на вашата кожа, дише, мек е и идеален за секојдневно носење.
26.
Oct.
2022.
Тренинг
Спортските хеланки во светот на урбаните спортови полека го преземаат приматот и стануваат главен избор на машкиот дел од тимот. Иако многумина ги игнорираат...
22.
Nov.
2021.
Тренинг
Дознајте зошто закрепнувањето на мускулите после тренинг е исто толку важно како и самиот тренинг.