Спортскиот свет ќе ја памети оваа година, 2020 година, на многу начини, но нема сомнение дека најмногу ќе остане запаметена по загубата на двете легенди, луѓе кои со својата игра, храброст на теренот и неверојатни резултати се запишаа на списокот на бесмртни. На крајот на јануари, Коби Брајант, легендата на светската и НБА кошарка, не напушти, така што скоро пред крајот на оваа година останавме и без еден од најголемите фудбалери на сите времиња, а некои ќе кажат и најголем - Диего Армандо Марадона.
Малкумина фудбалери доживеале навивачите на ривалскиот тим да му аплаудираат од срце, по постигнатиот гол. Ова е токму она што му се случи на Марадона на мечот со Црвена Ѕвезда уште во 1982 година, што не е изненадувачки затоа што секој негов потег направен за време на натпреварите беше магија на теренот. Дури и голот што го даде со рака, на Светското првенство во 1986 година, го простија англиските навивачи. Тоа беше „Раката Божја“ (Hand of God), како што многумина го нарекоа потегот.
Photo credit: britannica.com
Марадона ја започна својата фудбалска кариера непосредно пред неговиот 16-ти роденден, во клубот Аргентинос Јуниорс, по што ќе потпише договор со Бока Јуниорс. Од рана возраст тој покажа вртоглава умешност со топката и неверојатни фудбалски вештини. Тој беше незапирлива машина што можеше да стори се и за ништо немаше пречки.
Во 1982 година тој стана најплатениот фудбалер на светот, бидејќи Барселона издвои 5 милиони фунти за неговиот ангажман. Со нив ги освои Кралскиот куп и Суперкупот на Шпанија, а по повредата со која се соочи се пресели во Наполи. Тој трансфер беше врв во кариерата на Марадона и најуспешниот период во историјата на клубот од Неапол. Марадона го предводеше Наполи до првата титула во Серија А и трофејот во Купот на УЕФА во 1989 година, а потоа и на вториот, една година подоцна.
Photo credit: barcablaugranes.com
Тој е играчот кој одигра најмногу натпревари во дресот на Аргентина. Jа водеше својата репрезентација на дури четири Светски првенства, во периодот од 1982 до 1994 година, додека како капитен во 1984 година, покрај трофејот на светски шампион, ја освои и Златната топка за најкорисен играч на турнирот. Одигра 91 натпревар во дресот на својата земја и постигна 34 погодоци.
И денес се раскажуваат неговите погодоци постигнати во полуфиналето на Светското првенство против Англија, од кои една e wondergoal, прогласена за „гол на векот“.
Photo credit: twitter.com/RiverPlate
Играше и живееше без одлагање - без да погледне назад и да обрне внимание на тоа што некој вели и мисли. Тој постигна многу и со право стана легенда каква што еднаш се раѓа. Фудбалскиот свет ќе го памети по титулата најдобар фудбалер на 20 век, што ја сподели со славниот Пеле, а многумина ќе речат дека Диего Армандо Марадона е најдобриот фудбалер што некогаш одел по планетата Земја.
Cover photo credit: newstalk.com
Тимот на Sport Vision
.svg)
