Пребарај ја страната
БЕСПЛАТНА ИСПОРАКА

на целата територија на Р. Македонија

Контактирајте не на : 02/3055-222

             

ИСПОРАКА ВО РОК ОД 5 РАБОТНИ ДЕНА

- на сите нарачки во готово или со електронска платежна картичка

ДВА НАЧИНА НА ПЛАЌАЊЕ

- во готово или со електронска платежна картичка.

Трендови
29.07.2020.

ПОЗДРАВ НА СОНЦЕТО: 5 ВЕЖБИ ЗА ИСТЕГНУВАЊЕ КОИ МОЖЕТЕ ДА ГИ ПРАВИТЕ СЕКОЈ ДЕН

Доколку вежбате редовно, сигурно се истегнувате пред и после секој тренинг, во зависност од програмата која ја имате за тој ден. Меѓутоа, истегнувањето не треба да го практикувате само пред и после тренинг, туку секојдневно.

Причината е тоа што истегнувањето ја спречува слабоста на мускулите, која може да се случи поради повеќе-часовното седење и допринесува за флексибилност и поголемо движење. Истегнувањето допринесува и за зајакнување на телото.

Ви откриваме 5 вежби за истегнување кои можете да ги правите секојдневно, за убав почеток на летниот ден.

Вежба број 1 – Downward Facing Dog

Една од најпознатите јога положби за истегнување на цело тело е куче кое гледа надолу (Downward Facing Dog).

Почетната положба е потпирање на рацете и нозете, така што вашите дланки да бидат во ширина со рамената, а колената рамни со колковите.

Стапалата треба да бидат на подот, а колковите треба да бидат подигнати така што со телото да ја формирате латиничната буква V. Исправете го грбот и убаво стегнете го за целата тежина да се префрли на нозете.

Доколку не можете да допрете со петата на подот, не се форсирајте за да не се повредите. Благото свиткување на колената додека сте во таа положба може да допринесе на вашата флексибилност на кулковите и тетивите.

Вежба број 2 – Cat and Cow

Почетната положба на вежбата мачка и крава е на коленици, така што вашите раце да бидат потпрени на подот и рамни со рамената, а колената рамни со колковите.

Вдишете, така што ќе ја подигнете главата, а стомакот ќе го спуштате кон подот, додека сте во таа положба. Кога целосно ќе го издигнете грбот, значи дека сте во положбата на крава.

Додека издишувате, грбот извиткувајте го нагоре, така што ќе го вовлекувате стомакот кон кичмата, а главата и рамената полека ќе ги спуштате кон градите, се додека не завземете положба на мачка.

Истото повторете го повеќе пати.

Вежба број 3 – Истегнување во седечка положба

Седнете на подлогата за јога, така што нозете да ви бидат на подот, целосно исправени.

Вдишете, така што рацете ќе ги подигнете над глава и ќе ги пратите со поглед, а потоа издишете и префрлете го горниот дел напред колку повеќе можете, а со рацете ќе ги допрете прстите на нозете. Можете исто така, да користите пешкир или траки за вежбање за истегнувањето да биде целосно.

Останете 5 секунди во таа положба, а потоа полека враќајте се во почетната положба.

Вежба број 4 – Положба Мост

Мостот е одличен за зајакнување на стомачните мускули, но и за истегнување на телото. Направете го така што ќе легнете на грб, со рацете и нозете на подот, а потоа од таа положба ќе се потпрете на рацете и ќе ги подигнете колковите колку повеќе можете, додека колената ви се под прав агол.  

Држете ги колковите високо подигнати, додека нозете ви се оддалечени една од друга и затегнете го задникот. Истегнете ги рамената така што дланките ќе ги споите под грбот, а колковите ќе останат подигнати.

Вежба број 5 – Lord of the Fishes

Интересна и ефикасна, оваа вежба подразбира да седнете на подлога, така што десната нога ќе ви биде испружена, а левата над десната, стапалото да ви биде што поблиску до колкот..

Додека вдишувате, ставете ја десната рака позади колкот, при издишување, почнете торзото да го вртите кој левата страна, а левата рака ставете ја позади грбот, така што да биде целосно извиена. Останете така 5 секунди, па префрлете се на другата страна.

Вежбите за истегнување не се единствена активност која може да ја практикувате за убав почеток на денот. Еве уште неколку ефикасни предлози кои можете да ги внесете во својата утринска рутина.

Photo credit: popsugar.com

Тимот на Sport Vision

Остави коментар

Trenutno nema komentara

Слични статии

24.
Jul.
2020.
Трендови
Целиот свет е на TikTok! Оваа апликација стана неверојатно популарна за време на пандемијата и нејзината популарност расте секој ден, исто како и бројот на к...
30.
Mar.
2020.
Трендови
Деновите што ги поминуваме дома да ги искористите за да вежбате и да креирате личен тренинг за вежбање, а со тоа и поздрави навики.
12.
Mar.
2020.
Трендови
Ви го претставуваме sneaker фаворитот за месец март - патиките Nike Air Max Amixa и Nike Air Max Excee.
string(0) ""
string(0) ""