Многу е полесно да се откажете од теретана отколку да се вратите назад, нели? Доколку ова лето правевте подолга пауза и сте заборавиле како изгледа јак тренинг или сте се здобиле со повреда поради која сте биле приморани да паузирате, сега е вистинското време за Back To Gym. Како? Тако што вежбањето ќе го направите интересно преку овие 5 совети за враќање назад во теретана.
НЕ ОЧЕКУВАЈТЕ ДЕКА ТРЕНИНГОТ ЌЕ БИДЕ ИСТ КАКО ТОЈ ПРЕД ДА НАПРАВИТЕ ПАУЗА
Без разлика на тоа дали трчате на трака, кревате тегови или се работи за Crossfit, големата пауза во тренингот може многу да влијае на вашата сила и агилност. Но, не грижете се, тоа не значи дека не можете да се вратите во вашата првобитна форма или пак да ја унапредите истата. Тоа значи само дека за враќањeто во теретана, прво треба да ја намалите тежината, да трчате на трака пократок временски период и да правите малку подолги паузи. Тоа е сосема нормално и не треба да ве плаши или пак обесхрабрува.
Добрата вест овој пат е тоа што вашите мускули брзо ќе се вратат во првобитната состојба, бидејќи телото памти, па до совршената форма ќе стигнете многу побрзо за разлика од првиот пат кога сте тргнале во теретана.
.jpg)
БИДЕТЕ ТРПЕЛИВИ ВО МОМЕНТОТ КОГА ЌЕ ОДЛУЧИТЕ ДЕКА ТРЕБА ДА СЕ ВРАТИТЕ НА ТРЕНИНГ
Сите знаеме дека сознанието дека не може да подигнете иста тежина како претходно или дека не можете да трчате со истата брзина како порано може да ве обесхрабри, но доколку сте правеле подолга пауза, трпеливоста е клучот за вашиот успех. Максимално искористете ја енергијата и силата која ја имате во вас и верувајте во себе, бидејќи трпеливоста и континуитетот ќе ве доведат во форма. Еднаш кога ќе го постигнете посакуваното, само ви останува вашата форма да ја подигнете на повисоко ниво.
НЕ ПРЕТЕРУВАЈТЕ НА ТРЕНИНГ
Никако не пробувајте да ги направите сите вежби кои ќе ви паднат на памет во еден замав. Држете се до неколку вежби за одредени делови на телото и постепено зголемувајте го бројот на серии и повторувања.
ОЧЕКУВАЈТЕ ДЕКА ЌЕ ВЕ СОВЛАДА УМОР
Болката и уморот се неизоставен дел при враќањето во теретана. Поради ова не треба да се форсирате себеси до крајни граници. Секако, ни болката, ни уморот нема да траат засекогаш, па после една или две недели ќе приметите напредок и вежбите кои претходно сте ги правеле со многу напор сега ќе ви одат лесно од рака. Многу е важно после секој тренинг добро да се истегнете и да внесувате многу витамини.
%20(1).jpg)
АНГАЖИРАЈТЕ ПРОФЕСИОНАЛЕН ТРЕНЕР
Добро е доколку во текот на првиот месец при враќањето во теретана после долго време, да ангажирате професионален тренер кој би ви давал совети и вежби кои постепено ќе ве вратат во форма. Иако тоа ќе ве чини малку повеќе од што сте спремни да вложите, овој влог секако ќе вреди бидејќи професионалниот тренер ќе ви го олесни секој тренинг.
И во оваа ваша мисија сме ваши поддржувачи, затоа не пропуштајте прилика да ја погледнете нашата понуда на машка и женска облека, обувки, опрема и аксесоари од најдобрте брендови Nike, Adidas, Champion, Under Armour за враќање во теретана.
.svg)
