Trail трките како и OCR (Obstacle Course Racing) трките со препреки, исто така наречени трки во кал се сè попопуларни и распространети кај нас.
Викендот на отворено, физичката активност, дружењето и згора на сѐ заслужениот медал како награда за трудот, станува се почеста рутина на рекреативците, но и на професионалните трчачи.
Освен физичката подготовка, понекогаш голема улога игра и опремата што ја имаме за еден вид активност. Со цел оваа прекрасна дисциплина да биде позабавна и помалку тешка, многу е важно да имате добра опрема. Како некој кој три години интензивно се занимава со овој спорт, ќе споделам со вас неколку совети во врска со опремата, за да не ги правите грешките кои најчесто ги прават почетниците.
Најважно е да имате добра физичка подготвеност и основа за таков напор. Друга важна ставка е правилната исхрана пред, за време и по трката, како и добра хидратација. Третата најважна работа, која е и тема на овој блог, е опремата. Освен што добрата опрема изгледа добро и не мотивира, особено женскиот дел од популацијата, понекогаш игра значајна улога во перформансите и на тренинзите и на трките.
Според мое мислење, најважниот дел од опремата е правилната патика. Остатокот од комплетот, дури и да не е најадекватен, нема да ве загрози премногу, може само да ве забави. Но, ако патиките не се оние вистинските, може да настанат разни повреди - болка во прстите ако патиките се затегнати, извртување на зглобот ако патиките не се стабилни, или лизгање, паѓање и повреда на други делови од телото ако ѓонот на патиките нема доволно добар „грип“. Затоа, изберете trail патики кои се лесни, а сепак доволно цврсти.
Што се однесува до облеката, важно е брзо да се исуши ако се намокри, затоа препорачувам синтетички или Dri-Fit маици и хеланки/шорцеви. Синтетиката брзо се суши, дури и кога е на вас, додека памукот ја задржува водата долго време и создава чувство на ладно. Ако дува ветер, се препорачува да се носи windprove јакна или шушкавец. Имајте на ум дека не треба да се загревате премногу бидејќи трчањето ја зголемува телесната температура. Ако надвор е 10 степени, облечете се како да е 20 (секогаш сметајте +10 степени од моменталната температура надвор).
Пред се, најважно е да го слушате своето тело, да трчате паметно, да уживате и да се радувате на секоја следна трка. Искористете некои од овие совети и ќе се видиме на патеката!
anicateretanica
.svg)
