ДА ПРОДОЛЖИМЕ ДА СЕ ГРИЖИМЕ ЗА ЗДРАВЈЕТО НА СИТЕ НАС

Сега, како никогаш досега, важно е да продолжиме да се грижиме за здравјето на сите нас!

Претходниот период беше вистинска животна лекција за сите! Пандемијата која го зафати целиот свет ни покажа дека не сме семоќни, и дека во секој момент, без разлика на околностите, исклучително важно е да се биде внимателен, да се грижиме за нас и луѓето околу нас, и да се грижиме за нашето здравје.

Се надеваме дека нашите совети за тренинг во вашиот дом беа од корист, а изминатиот период го искористивте слободното време да се запознаете себе си, да се посветите на своето хоби и да научите некоја нова вештина и уживате во куќните активности со вашите најмили. За многу од вас ова претставуваше вистински одмор за вашето тело и дух, додека за другите претставува период во кој едвај чекаат да се вратат во нормалниот начин на живот.

Иако мерките се малку поблаги од претходно, ние и понатаму ве повикуваме да продолжите да се грижите за вашето и здравјето на другите, затоа што во овој момент тоа е од неизмерно значење за сите нас.

Држете го пропишаното растојание од 2 метри помеѓу вас и другата личност, носете заштитна маска и редовно мијте ги и дезинфицирајте ги рацете, бидејќи тоа е единствениот начин да се заштитите.

Сите мерки кои ги наведовме се спроведени и во нашите продавници, со цел да се сочува здравјето на сите купувачи, но и сите вработени. И не се откажуваме од тоа!

Ќе продолжиме со вас да ги делиме советите за здрав и активен живот, ќе продолжиме да се грижиме за безбедноста за сите нас и редовно ќе ве потсетуваме колку е важно да бидеме одговорни и да се поддржуваме едни со други.

Сега кога работите полека се враќаат во нормала, не пропуштајте ја можноста да вклучите во вашата дневна рутина барем една активност што ја практикувавте за време на престојот дома, и која ве исполнуваше. Посветете се на она што го сакате и што е уште поважно, на оние што ги сакате! Нека секој ден биде можност за нови победи, а ние сме тука да продолжиме да бидеме ваш придружник во победите што ќе ги постигнете на спортските терени.

Затоа што, ПОДДРШКАТА Е ВАЖНА!

Тимот на Sport Vision