Пребарај ја страната

за сите нарачки чија вредност е поголема од 2990 ден.

- на сите нарачки во готово или со електронска платежна картичка

- во готово или со електронска платежна картичка.

Во фокус
20.01.2022.

КАКО ДА ГИ РЕАЛИЗИРАТЕ ВАШИТЕ НОВОГОДИШНИ ОДЛУКИ

Колку пати сте ги запишале новогодишните одлуки на хартија и сте ги оставиле да чекаат вистински момент за да се реализираат? Веруваме дека сте имале добри намери, но брзо сте се откажале. Можеби не сте биле доволно мотивирани да започнете или сте си поставиле тешка цел од која сте се откажале уште пред да се обидете. А, можеби во Новата година сте влегле опуштено и растеретено, со помислата дека сѐ ќе си дојде само по себе. Во секој случај, празничната еуфорија заврши, а јануари веќе ги одбројува последните деновите. Значи, да ја направиме оваа година незаборавна и поинаква! Ако сѐ уште не сте започнале, сега е вистинското време да започнете со спроведување на вашите новогодишни одлуки.

 

За почеток, направете мали, но сигурни чекори напред. На тој начин ќе го започнете процесот, а сите знаеме дека започнувањето е секогаш најтешко. Ако одлучивте да почнете да трчате оваа година, тогаш не размислувајте многу, облечете ги патиките и излезете на патеката. Првиот обид може да биде сто метри, но не дозволувајте тоа да ве обесхрабри. Логично е да не сте подготвени и да не можете да трчате маратон на почетокот, но барем ќе воспоставите континуитет.

Трчајте секојдневно и полека зголемувајте го интензитетот и растојанието. Во тоа може да ви помогнат бројни апликации за почетници, како и совети од професионални тркачи. Ако не сте сигурни, придружете се на тркачки клуб, бидејќи тоа ќе ви даде дополнителна поддршка и ќе ги споделите вашите искуства со луѓе како вас. Каква стратегија и да одберете, сигурни сме дека брзо ќе влезете во форма и дека трчањето ќе стане составен дел од вашата рутина. Важно е да сте решени да истраете и секогаш да имате соодветна опрема за трчање која нема да ве кочи, туку ќе ви помогне да го подигнете трчањето на повисоко ниво.

 

Како и во секој процес, мотивацијата е клучен фактор за реализација, така што најважно е да останете мотивирани. Размислете зошто навистина сакате да донесете новогодишна одлука, кои се придобивките од нејзиното реализирање и како долгорочно ќе влијае на вашиот живот. Доколку сте решиле да ја промените исхраната и да почнете да се храните поздраво, прво разгледајте ги сите позитивни аспекти на оваа одлука. Здравата исхрана му помага на телото да ја одржува енергијата и полесно да се бори со токсините. Високиот внес на храна богата со витамини и минерали го поддржува имунолошкиот систем во борбата против вируси, а редовните и избалансирани оброци на долг рок ги намалуваат вишокот килограми. Овие придобивки придонесуваат и за зголемување на мотивацијата, а колку е поголема мотивацијата, толку е посилна истрајноста. Не дозволувајте забрзаното темпо на живот да влијае на вашите здрави навики - внимавајте повеќе на вашето здравје, бидејќи тоа е најважно за секој човек. Започнете го денот со избалансиран оброк, со убави мисли и удобна облека која дополнително ќе ве мотивира да истраете во вашите одлуки.

Ако вашата листа на одлуки вклучува работи што знаете дека нема да ги реализирате, време е да ги избришете од листата. Повеќето од нас најчесто си поставуваат јасни, дефинирани и остварливи цели, но често се случува да донесуваме избрзани одлуки за време на празничната еуфорија, без многу да размислуваме дали и колку се тие реални. Наместо тоа, изберете полесни и поизводливи одлуки кои ќе ги гледате како предизвици. Луѓето кои ги гледаат проблемите како предизвици, дефинитивно се поуспешни во нивното решавање. Истото важи и за одлуките. Ако вашата новогодишна одлука е да научите нешто ново, тогаш нека биде предизвик. Можеби отсекогаш сте сакале да се занимавате со тимски спортови, да одите на часови по јога или да ги усовршувате вашите танцови движења - осмелете се да го правите она што никогаш не сте верувале дека можете да го направите! Секоја нова вештина нѐ прави подобри и побогати за уште едно искуство, а покрај тоа може да биде и многу забавна и корисна. На вас е да го изберете вашиот предизвик и да научите нешто ново, а доколку се работи за спортска активност ви предлагаме да ја започнете со правилен избор на облека, обувки и опрема за тренинг.

И конечно, најважното нешто - за да истраете во вашите одлуки, морате да најдете совршена рамнотежа помеѓу работата и одморот. Ако сте премногу фокусирани на постигнување на вашите цели, „прегревањето“ може да се случи многу брзо, а потоа не може да ви помогне никаква стратегија или висока мотивација. Затоа, препорачливо е понекогаш да правите пауза и да слушате што ви кажува телото и умот. Многумина се плашат од ваквите одлуки, бидејќи веруваат дека ќе ги запостават секојдневните обврски и тешко ќе се вратат на својата рутина. Сепак, паузата не мора да биде долга, доволно е секој ден да одвоите барем еден час за да се опуштите и да избегате од реалноста. Гледање филмови, медитација или читање книга - што и да одберете, важно е оваа активност да ве исполнува и да ви е удобно.

Во исто време, обидете се да не ги запоставувате луѓето околу вас - заедничките моменти и дружењето со пријателите ќе ви даде позитивна енергија и ќе ви го разубави денот. Донесете одлука да поминете повеќе време со вашите најблиски и не барајте изговори! Во моментов студеното време и снегот не се причина да не излезете од дома и добро да се забавувате. Загрејте се со вистинските зимски модели и напуштете ја вашата комфорна зона - ќе видите колку е добро тоа чувство.

Не дозволувајте и оваа година вашите одлуки да бидат запишани и брзо заборавени - започнете, најдете мотив и работете на нив секој ден, а резултатите сигурно нема да изостанат. Негувајте го вашето тело и ум, зајакнете го спортскиот дух и не заборавајте дека само вие сте одговорни за вашите одлуки.

Ви посакуваме убав почеток и многу успех во 2022 година!

Тимот на Sport Vision

Trenutno nema komentara

Слични статии

19.
Jan.
2023.
Во фокус
Веројатно нема подобро време за поставување на нови планови и цели кои сакаме да ги постигнеме од Новата година.
22.
Dec.
2022.
Во фокус
Ако не сте сигурни како да изберете спортски подарок, не грижете се.
21.
Dec.
2022.
Во фокус
Причините за да се впуштите во авантурата наречена планинарење се бесконечни.