Пребарај ја страната

за сите нарачки чија вредност е поголема од 2990 ден.

- на сите нарачки во готово или со електронска платежна картичка

- во готово или со електронска платежна картичка.

Тренинг
13.09.2021.

ДАЛИ КАРДИО ТРЕНИНГОТ ТРЕБА ДА Е СЕКОЈДНЕВНА РУТИНА ЗА ДА СЕ ИЗГУБАТ КИЛОГРАМИТЕ?

На секој од нас, првата асоцијација за губење на тежината е тренинг со висок интензитет и долготраен кардио тренинг, напор и силна волја за постигнување на посакуваните резултати. Сепак, фитнес експертите и лекарите предупредуваат да не паднеме во стапицата на бескрајни кардио тренинзи бидејќи нема да ни го донесат резултатот што го очекуваме. Кардио тренингот е важен дел од планот за вежбање, но треба да внимавате. Тренинзите не мора да траат со часови, ниту пак треба да ја трошиме целата енергија на нив. Напротив. Тренинзите треба да бидат редовни, треба да траат оптимално и да нѐ „ полнат “ од ден на ден со добра енергија и чувство на леснотија.

ДАЛИ ТРЕБА ДА ВЕЖБАТЕ КАРДИО ВЕЖБИ СЕКОЈ ДЕН ЗА ДА ИЗГУБИТЕ ТЕЖИНА?

Според експертите, одговорот на ова прашање е едноставен и гласи НЕ. Долго трчање на патека, нордиско скијање, возење велосипед или брзо одење можат да бидат одлични сојузници во топењето на маснотиите, но само доколку се направени според добро осмислен план за вежбање. Експертите инсистираат, за да го добиете најдобриот ефект, потребно е да комбинирате вежби за сила и кардио тренинг. Внимателно избраната опрема за тренинг може да биде одличен сојузник во постигнувањето на вашите цели. Благодарение на хеланките за тренинг со својства за компресија, маици и удобни патики за тренинг или за трчање кои ја враќаат енергијата при секој допир со површината, ќе го направите вашиот план за вежбање уште полесен за спроведување.

Познато е дека кардио тренингот во моментов води до најдобро согорување калории, што не е случај со тренинзите за сила. Кардио тренинзите даваат брзи резултати на почетокот, но подоцна настанува стагнација, додека тренингот со тегови или сопствена тежина го става вашето тело во состојба на „борба“ со вишокот маснотии и калории што ги внесувате во телото. Тренингот за сила е моќно оружје во борбата против вишокот килограми на долг рок. Еве ја тајната. Вежбањето со тегови ги гради вашите мускули, а растењето на мускулите го забрзува метаболизмот, што значи дека вашето тело согорува калории дури и кога се одмарате. Звучи добро, нели?

Тренингот за сила е подинамичен од кардио тренингот, а борбата со себе е посебен предизвик. Ставете ракавици за тренинг и земете ги своите тегови. Уживајте во секојдневните мали победи.

КОЛКУ ДОЛГО ТРЕБА ДА ТРАЕ ЕФЕКТИВЕН КАРДИО ТРЕНИНГ?

Кардио тренингот може да се спроведе на неколку начини, за да биде ефективен и да ги добиете сите придобивки што ги нуди. Секој тренинг може да го започнете со кардио програма во траење од 20 минути, а потоа да се посветите на вежби за сила, со тегови за обликување на телото, а потоа и со вежби за истегнување.

Вториот предлог е да вежбате 45 минути кардио тренинг еднаш или двапати неделно и да издвоите други вежби кои се прилагодени на вашите потреби, способности и цели.

Кардио тренингот, покрај класичниот тренинг во салата, може да вклучува и пливање, веслање, бокс или брзо одење. Бидејќи тренинзите честопати можат да бидат монотони, комбинирајте ги, пронајдете некој што е во слична форма како вас и вежбајте во друштво. Тоа е добар начин да се мотивирате едни со други и да не се откажувате од тренинзите.

ЗА ОНИЕ КОИ НЕ СЕ ЉУБИТЕЛИ НА САЛАТА И ФИКСНИ ТЕРМИНИ ЗА ВЕЖБАЊЕ

Ако не сте љубители на салата и не сакате тренинг во затворен простор, или не сакате да одвоите секој ден по еден час за тренинг, можете да направите свој план за тренинг во текот на денот. Три пати на ден за десет минути брзо одење со други дневни активности ќе согорите доволно калории и ќе направи да се чувствувате подобро. Практикувајте брзо одење од автобуската станица до канцеларијата, качете се по скали наместо по лифт или едноставно одете со ранец на грб. За ова не ви треба специјална опрема. Изберете ранец со специјален дел за патики и секогаш кога ќе ви се потребни, тие ќе ви се на дофат на рака.

Брзото темпо на живот диктира нови правила, затоа мораме да се прилагодиме и никогаш да не се откажуваме од активности што ни носат многу придобивки.

Неодамнешните истражувања го поддржуваат таканаречениот интервален тренинг, кој вклучува серија вежби во интервали неколку пати на ден. Покрај класичниот тренинг во сала со интервали, може добри резултати да даде и брзото одење, пливањето, брзото возење велосипед со искачувања и оптоварувања. Овој тип на тренинг не оптоварува, добар е долгорочно, може да се применува секој ден и дава видливи резултати кои се рефлектираат во завидна форма, добро здравје и изглед.

Да заклучиме. Експертите се согласуваат за една работа - добар тренинг е оној што вклучува кардио и тренинг со тегови. Тоа доведува до најдобри и брзо видливи резултати, го движи вашето тело и со здрава и урамнотежена исхрана формира здрав начин на живот на долг рок. Тоа треба да биде целта на секој од нас!

Мускулите растат и стануваат вретенести, маснотиите константно се топат, а вие станувате позадоволни и помотивирани да тренирате.

Не се обесхрабрувајте од есенските денови што се пред нас! Во нашите продавници и online shop ќе најдете одличен избор на опрема за тренинг, што е вистинска мотивација за секој ден и за сите временски услови. Нема оправдувања, здравјето е секогаш на прво место!

 

Тимот на Sport Vision

Trenutno nema komentara

Слични статии

11.
Nov.
2022.
Тренинг
Памукот, како природен материјал, најмногу одговара на вашата кожа, дише, мек е и идеален за секојдневно носење.
26.
Oct.
2022.
Тренинг
Спортските хеланки во светот на урбаните спортови полека го преземаат приматот и стануваат главен избор на машкиот дел од тимот. Иако многумина ги игнорираат...
22.
Nov.
2021.
Тренинг
Дознајте зошто закрепнувањето на мускулите после тренинг е исто толку важно како и самиот тренинг.